ឆ្លាតបូកព្យាយាមស្មើលាមបញ្ញា ល្ងង់បូកឥស្សាស្មើទ្វារអវីចី
ងងឹតបូកយប់ស្មើអាប់រាសី ភ្លឺបូកនិងថ្ងៃចាញ់រស្មីធម៌។
ខឹងបូកគំនុំស្មើផ្គុំអកុសល ភ្លេចបូកមិនស្គាល់ស្មើផលវឹកវរ
ស្រឡាញ់បូកស្នេហ៍ ស្មើខ្សែវណ្ឌក ស្រស់បូកស្អាតល្អ កំដរអ្នកហ៊ាន។
មាយាបូកស្និទ្ធស្មើចិត្តឥតខ្មាស រឹងបូកមុខក្រាស់ ស្មើឥតវិញ្ញាណ
កំណាញ់បូកស្អប់ស្មើកប់ថ្នាក់ទាន សទ្ធាបូកមាន ចម្រើនបុណ្យល្អ។
ល្ងង់ដកមានះប្រទះសួគ៌ជាក់ ឆ្លាតដកគារវៈ ស្មើអ្នកអធម៌
អ្នកអួតលើកខ្លួនស្មើក្បួនភូតភរ ឆ្លាតគប់មិត្តល្អ ស្មើធម៌កុសល។
រកបូកប្រសប់ស្មើទ្រព្យអ្នកមាន សីលបូកនិងទាន ស្មើស្ពានមគ្គផល
សុខបូកលាភយសស្មើរសបុណ្យផ្តល់ មគ្គបូកនិងផល ស្មើថ្នល់និព្វាន។
ដោយឧបាសក គុយសុធន
(សៀវភៅជំនួយសតិភាគទី ៥ទំព័រ ២៣៧)
No comments:
Post a Comment